मो. अरशद शेष राई✍️
नेपालगन्ज । स्थानीय तहको निर्वाचन नजिकिएसँगै जनप्रतिनिधिहरु आफ्नो चुनावी अभियानमा सक्रिय हुँदा नेपालगन्ज शहर दुर्गन्धित बन्न पुगेको छ । मेयर डा. धवल शम्शेर राणा राप्रपाको देशव्यापी अभियानमा केन्द्रीत भएका छन् भने उपमेयर उमा थापामगर पनि नेपालगन्ज छाडेर काठमाडौं धाइरहेकी छिन् ।
नेपालगन्ज उपमहानगरपालिकाको जिम्मेवारी लिएका मेयर र उपमेयरले आफ्नो निहीत स्वार्थमा केन्द्रीत हुँदा कर्मचारीहरुको मनोपली चलिरहँदा शहरको फोहोर उठ्न सकेको छैन् । जस कारण नेपालगन्ज शहर दुर्गन्धित बन्न पुगेको हो ।
गर्मीयाममा नेपालगन्जका विभिन्न ठाउँमा यसरी सडकभरी फोहोर थुपारिँदा सरुवा रोगको संक्रमणको जोखिम बढेको छ भने अर्काेतिर सडकमा हिड्ने सर्वसाधारण नाक मुख छोपेर हिड्नु पर्ने अवस्था समेत देखिएको छ ।
लुम्बिनी, कर्णाली र सुदूरपश्चिम प्रदेशको प्रमुख व्यापारिक र पर्यटकिय नगरी नेपालगन्जमा आउने मानिसहरुले नगरभित्रको फोहार व्यवस्थापन नहुँदा दुर्गन्धित नेपालगन्ज भनेर उछितो काट्ने गरेका छन् । यसतर्फ सम्बन्धित निकायको ध्यान जान जरुरी छ ।
